Mayo 22, 2024
Ka JB Regalado
Spokesperson
Leonardo Panaligan Command
New People’s Army
Central Negros Guerrilla Front
Wala sang engkwentro sa tunga sang Leonardo Panaligan Command-New People’s Army (LPC-NPA) kag tropa sang 62nd IB sa Sityo Inangaw, Barangay Quintin Remo, Moises Padilla, Negros Occidental, kagahapon, Mayo 21 sang aga. Taliwas sang duha ka hugna nga engkwentro nga ginataghol ni Col. Jay-jay Javines, spokesperson sang 3rd Infantry Division .
Wala sang dala nga search warrant kag warrant of arrest, ginlusob sang 24 ka tropa sang 62nd IB ang balay sang pamilya Dela Peña pasado alas 5:00 sang kaagahon sa nasambit nga lugar. Patarasak nga nagpinalupok ang tropa militar nga wala man sang pangontra. Iligal nga gin-aresto ang tagbalay, mangunguma kag 50 anyos nga si Richard Dela Peña. Ginkastigo samtang gina-interogar, gindala palayo sa ila balay kag brutal nga gintiro-patay sang nasambit nga tropa militar.
Para hinabunan ang desperasyon sang berdugo militar, gintamnan sang “recycled” nga M16 rifle, bandolier kag subersibo nga mga dokumento ang biktima. Gin-drawing kag gindramatisa ang deklarasyon nga engkwentro agud papatihon ang publiko. Ini ang pasulit-sulit nga iskema kag modus sang AFP, PNP kag paramilitar agud patalangon ang kadam-an sa pihak sang ila mga kabutigan.
Indi armado kag indi man katapo sang NPA si Richard Dela Peña. Samtang intak naman ang lohistika kag mga armas sang NPA nga ginagamit sa pagtungod kag pagpa-uswag sang mga rebolusyonaryong integradong hilikuton sa Central Negros.###
NegrosRevPortal 