( Reposted from an article of Ang Paghimakas Dec. 2019 )
Ang malala nga krisis bunga sang malakolonyal kag malapyudal
nga sistema amo ang naga tulod sa pumuluyong pigos kag ginahimuslan nga mag himakas upod sa hukbo sang sahing pigos para maang kon ang matuodtuod nga kahilwayan. Kasubong man, sakripisyo kag kabudlayan ang ginaatubang sang Pu lang hangaway sang New People’s Army sa pagala gad sa pumuluyo kag ang pinakamataas nga porma sang sakripisyo amo ang paghalad sang kabuhi.
Si Leonardo “Ka Jessie” Pa naligan isa ka rebolusyonaryo nga martir sa Negros sang Ikaduha nga Dungganon Kahublagan Panadlong nga nagapabilin sa taguipusu on sang masa, mga kaupod, abyan kag mga kakilala. Nabun-ag si Ka Jessie sadtong Disyembre 26, 1979, 11 ka tuig matapos gintukod liwat ang CPP, kag ang nagbunyag sa iya ang anay pari nga si Ka Frank Fernandez. Bata pa nga namuklat si Ka Jessie sa rebolusyonaryong kahublagan bangud sadto ang iya ginikanan mga kadre sa teritoryo kag sa impluwensya sang progresibo nga simbahan paagi sa panimbahon kag mga aktibidad sang pamatan-on. Lider-aktibista sang League of Filipino Students si Ka Jessie samtang ara sa kolehiyo kag nangin katapo sang Kabataang Makabayan (KM).
Ginapabugal sang pamilya tungod isa siya ka mabu-ot kag mapinalanggaon nga tawo. May respeto sa mga kababaenhan, maalam kag matalom maganalisa ilabi na sa panahon nga siya ang nagahambal sa mga rally kag symposium bilang lider sang pamatan-on estudyante. May kapagsik siya sa pag-organisa sa kasubong nga mga pamatan-on kag sa mga mangunguma
sa kaumhan. Mareplikar ang iya kaalam sa iya pagpropaganda nga patok sa masa.
Wala gingamit ni Ka Jessie ang iya degree sa Political Science para serbisyuhan ang nagahari nga sahi kag mga kapitalista sa baylo wa la sang pagpangduhadu ha nga ginhatag ang tanan para sa kaayuhan sang ka daman. Matapos ang 40 ka adlaw nga integrasyon ni Ka Jessie sa NPA, nakadesisyon na siya magfulltime tungod nakita niya ang kahustuhon kag kamakatarunganon sang demokratiko nga rebolusyon kag ang kamalahalon sang iya papel bilang inte lektwal nga may daku nga mabulig sa kaupod kag masa.
Isa si Ka Jessie sa mga kaupod nga nag-atubang kag nagpaslaw sa opensibang atake sang reaksyonaryong armadong pwersa sa panahon sang rehimen US-Estrada nga tani desaysibo nga mag-atake sa pamunuan sang Partido sa Negros sadtong Agosto 15, 1999, sa Sityo Pinangimnan, Barangay Trinidad, Guihulngan City sa Negros Oriental. Nagtuga ini sang kahalitan sa kaaway nga nag-angkon sang anum ka patay kag madamu nga samaron. Antes siya napatay nakapadala siya sang sulat para sa mga kaupod nga aktibista sa kasyudaran nga nagaunod sang: “Indi dapat kahadlokan ang kamatayon kon ang imo katuyuan amo ang pagalagad sa pumulu yo.” Malahalon ang mensa he nga iya ginbilin nga dapat indi pagkalimtan sang sino man nga mga pamatan-on, mga aktibista, masa kag bug-os nga pwersa sang rebolusyonaryo nga kahublagan.