Hunyo 14, 2024
Padayon nga nagabayolar sang tawhanon nga kinamatarung ang berdugong tropa sang 62nd IB sa mga mangunguma sang Central Negros. Kapin sa pito ka kolum nga naglab-ot sa 150 ka tropa sang pasistang tropa ang nagapanglusob sa mga komunidad sang mga mangunguma sa Guihulngan City kag Canlaon City sa Negros Oriental kag banwa sang Moises Padilla sa Negros Oriental. Dugang nga naghu-ol kag perwisyo ang mersenaryong 62nd IB sa seguridad sang pumuluyo sa lugar sa pihak sang kahalitan nga gindulot sa paglupok sang bulkan Kanlaon.
Sa Guihulngan City-halin pa sadtong Hunyo 11 tubtob subong Hunyo 14, ang pagtiner sang militar sa Crossing Bon-bon kag Sityo Nahilig, Barangay Hinakpan. Pilit nga ginapangsaka-saka ang mga kabalayan sa tion sang kagab-ihon. Nagapanglapta sang ila mga basura sa lugar nga nagdugang hu-ol kag perwisyo sa pumuluyo. Samtang sa Sityo Kambairan, Barangay Trinidad, padayon nga nagakampo ang militar sa nasambit nga lugar malapit sa panimalay sang mga mangunguma. Nagatiner man ang iban nga pasistang tropa sa Kambairan Elementary School. Karun nga adalw Hunyo 14, may kolum man sang militar nga makit-an sa Sityo Maluy-a, Barangay Sandayao.
Sa Canlaon City-ginpanglusob man ang mga kabalayan sang mangunguma sa mga sityo sang Mabaha kag Ban-ban sakop sang Barangay Bucalan, halin pa Hunyo 12 tubtob subong Hunyo 14. Pilit nga ginalista ang pangalan sang tag-iya sang mga panimalay. Nagakabalaka ang mga pumuluyo sa ila seguridad tungod ginasaka ang ila puluy-an sa tion sang kagab-ihon kag gilayon himuon sang militar ang kuno pagpangsensus.
Sa Moises Padilla- Kagahapon, Hunyo 13 sang aga, ginlusob man sang 62nd IB ang mga panimalay sa mga sityo sang Tiyos, Binataan, Oway-oway kag Tibubong sang Barangay Quintin Remo. Pilit man nga ginapangsaka-saka ang mga puluy-an sang mangunguma sa lugar. Samtang sa Sityo Tubod, Barangay Macagahay, makit-an man ang presensya militar nga nagapanaka-saka man sa mga panimalay sang mangunguma.
Duta, ayuda, subsidyo kag serbisyo sosyal…indi militarisasyon! Ini ang matunog nga singgitan sang pumuluyo sang Central Negros.
#62ndIBerdugo
#AFP-PNPerwisyo
#LayasPasistangMilitar
Reference:
Ka JB Regalado
Tagpamaba
Leonardo Panaligan Command-New People’s Army
Central Negros Guerrilla Front
NegrosRevPortal 